СҚО-ға Ингушетиядан су тасқынынан зардап шеккендерге 20 тонна гуманитарлық көмек жіберілді, деп хабарлайды Qyzyljarnews.kz тілшісі.
Ингушетия Республикасынан келген гуманитарлық көмек эвакуациялық пункттерде таратылатын болады. Қазақстан халқы Ассамблеясының «Жүректен жүрекке» акциясы аясында бұл заттар тасқын судан зардап шеккен тұрғындарға табысталады. Жүк көлігімен дәрі-дәрмекке дейін жеткізілген.
– Шекарадан аман-есен өтіп, халқымыздың атынан гуманитарлық көмек жеткіздік. Қажетті тұрмыстық заттар мен су әкелдік, – дейді ҚХА кәсіпкерлер қауымдастығының вице-президенті Джамбулат Тангиев.
Гуманитарлық көмекті түсіруге Ұлттық Ұлан академиясының 30 сарбазы жұмылдырылды. Осы уақытқа дейін көліктерден жүкті түсіріп, эвакуациялық пунктерге жеткізуге облыс бойынша 1200-ден астам волонтер тартылған.
