Облыста дүйсенбі мен жұма күндері аралығында кене шағудың 26 фактісі тіркелді. Жалпы екі аптаның ішінде 35 дерек анықталды, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаментінің мәліметінше, адамдарды кене шағудың фактілері Айыртау, Аққайың, Есіл, Мағжан Жұмабаев, Қызылжар Тимирязев, Тайынша, Шал ақын, Уәлиханов, Жамбыл аудандары мен Петропавлда тіркелді.
Кеше шағудың фактілері:
Айыртау – 3;
Аққайың – 1;
Есіл — 1;
Жамбыл – 1;
Қызылжар — 2;
М.Жұмабаев — 2;
Тайынша — 2;
Тимирязев – 2;
Уәлиханов — 1;
Шал ақын – 1;
Петропавл қаласы – 19.
Барлығы: 35.
– Кене шаққандардың 10-ы 14 жасқа дейінгі балалар болса, қалғандары – ересектер. Әзірге тек Айыртау ауданына қарасты Лобаново ауылында дизенфекциялық шаралар жүргізілді. Бұл жұмысты әкімдіктер жоспарлап, тиісті дизенфекциялық компаниялармен шарт жасайды, — дейді департаменттің баспасөз хатшысы Айнаш Сағындықова.
