90
СҚО-да қызылшаны 91 адам жұқтырды, деп хабарлайды Qyzyljarnews.kz тілшісі.
Облыстық санитарлық-эпидемиологиялық бақылау департаментінің мәліметінше, жұқпалы індетке шалдыққандардың басым бөлігі Петропавл тұрғындары. Қалада қызылшаны жұқтырғандар саны 82 болса, оның 35 бала және 56-сы ересек азаматтар.
– Мағжан Жұмабаев ауданында қызылшаны жұқтырудың 3 фактісі тіркелді. Мамлют ауданында 2 дерек, Аққайың, Қызылжар, Айыртау мен Жамбыл аудандарында бір-бір фактіден анықталды. Сондай-ақ жақында Петропавлдағы колледждің студенті жұқпалы ауруға шалдыққан. Қазіргі уақытта науқаспен байланыста болған азаматтар белгілі, — дейді СҚО санитарлық-эпидемиологиялық бақылау департаменті мамандары.
