Мамырдың 4-і күні Петропавлдағы Спорт сарайында қазақ күресінен дәстүрлі «Қызылжар барысы – 2024» облыстық турнирі өтеді, деп хабарлайды Qyzyljarnews.kz тілшісі.
СҚО дене шынықтыру және спорт басқармасының мәліметінше, биыл «Қазақстан барысы – 2024» республикалық жарыстың облыстық кезеңі алдағы сенбі күні өтеді. Жалпы жүлде 1 млн. теңгені құрамақ.
– Осы жылғы «Қызылжар барысы» турниріне облыстың 13 ауданы мен Петропавл қаласынан 32 балуан қатысады. Олар қазақ күресі спортынан 90 келіден жоғары салмақта өзара мықтыны анықтайды. Үздік екі балуан республикалық кезеңге қатысу мүмкіндігіне ие болмақ. Бірінші орынға 500 мың, екінші орынға 300 мың және үшінші орынға ие болған спортшыға 200 мың теңгелік сертификат беріледі, — дейді баспасөз қызметі.
