1-ші мамырда еліміз Қазақстан халқының бірлігі күнін атап өтуде. Бұл күні солтүстікқазақстандықтар облыстық Қазақстан халқы ассамблеясының бастамасын қолдап, сенбілікке шықты, деп хабарлайды Qyzyljarnews.kz.
Үндеуді түрлі сала өкілдері: мемлекеттік қызметшілер, депутаттар, жастар, кәсіпкерлер, спортшылар, этномәдени бірлестіктер мен еріктілер қолдады. Жұртшылықпен бірге су тасқынынан зардап шеккен Ойқала ықшам ауданындағы көшелер мен үйлердің аумағын тазартуға қатыстық.
— Барша тұрғындарды атаулы мерекемен күнімен құттықтаймын, бірлескен күш-жігердің, бірлік пен өзара сыйластықтың арқасында біз табиғи апаттың барлық қиындықтарын еңсере аламыз, — деді өңір басшысы.
Су тасқыны кезінде облыстық Қазақстан халқы ассамблеясы аса маңызды рөл атқаруда. Достық үйінің базасында штаб орналасқан, волонтерлер орталығы мен гуманитарлық көмек қабылдау пункті ұйымдастырылды. Ғауез Нұрмұхамбетов қиын кезеңде өзара көмек пен қолдау көрсеткендері үшін алғыс білдірді.
