Бүгін қазақ күресінен «Қызылжар барысы — 2024» облыстық турнирінің жеңімпазы анықталды. Дәстүрлі жарысқа өңірдің аудандары мен қаладан бірнеше балуан қатысты, деп хабарлайды Qyzyljarnews.kz тілшісі.
«Қызылжар барысы» турнирі республикалық «Қазақстан барысы» додасының өңірлік кезеңі болып табылады. Биылғы сынға 32 балуан қатысты. Олар 90 келіден жоғары салмақ дәрежесінде өңірдің үздік спортшысын анықтау мақсатында боз кілемге шықты.
Ақтық сында Қызылжар ауданының балуаны Әділет Мырзаш пен Уәлиханов ауданының тумасы Алтынбек Аусағитов кездесті. Бескөлден келген спортшы алғаш рет «Қызылжар барысы» турнирінде бағын сынап, 18 жастағы Әділет күміс жүлдегер атанды.
— Бұл менің осымен 4-рет «Қызылжар барысына» қатысуым еді. Бұған дейін күмісті де, бірнеше мәрте алтынды да еншілеген болатынмын. Биыл жас балуанмен күресіп, жеңімпаз атандым. Алдағы уақытта «Қазақстан барысы» турнирінде барымды саламын, — дейді «Қызылжар барысы — 2024» турнирінің жеңімпазы Алтынбек Аусағитов.
Бірінші орын иегеріне 500 мың, екінші сатыға жайғасқан спортшыға 200 мың үздікті үштікті түйіндеген балуанға 200 мың теңгелік сертификаттар табысталды.
