СҚО-да мереке күндері 2 өрт оқиғасы тіркелді

Мамырдың 7-сі мен 9-ы күндері аралығында облыста 2 өрт оқиғасы тіркелді, деп хабарлайды Qyzyljarnews.kz тілшісі.

СҚО ТЖД мәліметінше, мамырдың 9-ы күні «101» пультіне сағат 11:20-да Союз көшесі, 44/1 мекенжайында жеке тұрғын үй өртке оранғаны туралы хабар түсті.

– Қызыл жалын 80 шаршы метр аумақта тіркелді. Салдарынан үйдің шатыры мен баспананың ішкі бетіне зақым келді. Оқиға орнына уақытылы жеткен құтқарушылар 1961-ші және 1962 жылдары туған азаматтарды қауіпсіз жерге шығарды. Отты ауыздықтауға 5 техника мен 18 адам жұмылдырылды. Өрт электр сымының тұйықталуынан орын алды. Тілсіз жау толығымен сағат 11:55-те өшірілді, — дейді департаменттің баспасөз қызметі.