СҚО-да Ауған соғысының және полиция ардагері жоғары сынып оқушылары қатысқан ерлік сабағында сөз сөйледі, деп хабарлайды Qyzyljarnews.kz.
Полиция ардагері Жайнақ Тұртаев пен Петропавл қалалық ПБ ардагерлер кеңесінің төрағасы Атымтай Аманжолов Петропавлдағы №1 гимназия оқушыларына ұйымдастырылған ерлік сабағына қатысты.
Жайнақ Тұртаев – ауған соғысының ардагері. Әскери қимылдардың қатысушысы 1982 жылдан кейін 27 жыл ішкі істер органдарында қызмет етті. Кездесуде ол балаларға өзінің жауынгерлік жолынан естеліктер айтты. Қария полицияның қарамағында заманауи техникалық құралдар болмаған жылдары атқарған қызметі туралы баяндап берді. Сонымен қатар Петропавл қалалық ПБ тәрбие және кадр жұмысы бөлімінің бастығы Жандос Асылбаев оқушыларға жоғары оқу орнын тамамдағаннан кейін өмірлерін ішкі істер органдарымен байланыстыруға болатынын айтты.
