129
Солтүстікқазақстандық шабандоздар биылғы «Ұлы дала жорығы-2024» марафон-бәйгесінде үздік үштіктен көрінді, деп хабарлайды Qyzyljarnews.kz тілшісі.
Бұл туралы «Amanat» партиясы СҚОФ жауапты хатшысы Жеңіс Асанов әлеуметтік желідегі жеке парақшасында жазды. Оның сөзінше, «Ұлы дала жорығы» марафон-бәйгесінің алғашқы кезеңінде СҚО командасы 100 шақырымды 5 сағат 51 минуттың ішінде бағындырды. Өкінішке қарай, екі жүйрігіміз жарыс жолынан шығып қалды.
⠀
— Шығыс Қазақстан облысының жігітері бірінші күннің жеңімпазы атанды. Екінші болып мәре сызығын Маңғыстау облысы қиды. Жарыстың екінші кезеңі бүгін, яғни, 20 мамырда басталады. Жалпы жол қашықтығы — 500 шақырым. Бағыт Павлодар, Ақмола облыстарын қамтиды. Марафон 23 мамырда Астанада аяқталады, — деді Жеңіс Асанов.
⠀
Биылғы ат спорты әуесқойлары мен еліміздің әр өңірлерінің өкілдерін біріктіретін жарыс қазақтың көрнекті геолог-ғалымы Қаныш Сәтбаевтың 125 жылдығына арналды.
