161
Талдықорған қаласында жүзуден ел біріншілігі өтті. Чемпионатта Париждегі жазғы Олимпиада ойындарына жолдамалар ойнатылды, деп хабарлайды Qyzyljarnews.kz тілшісі.
Жарысқа Қазақстаннан бөлек, Өзбекстан мен Тәжікстан елдерінен 300-ден астам спортшы қатысты. Өңіріміздің атынан 15 жүзгіш бағын сынады. 200 метр қашықтыққа жүзуден еркін стильде жерлесіміз Егор Василенко және 100 метр қашықтықта Мирослава Пригоженко үшінші орыннан көрінді.
Еркін стильдегі 4х100 м. қашықтықта аралас эстафетада жерлестеріміз де жүлдегерлер қатарынан көрінді. Құрамында Мирослава Пригоженко, Яна Лукьянчикова, Егор Василенко және Артем Казанцевтер екінші орынды иеленді.
