181
Қызылжар ауданының орталығы Бескөлде волейболдан 2006-2007 жылдары туған қыздар арасында облыс чемпионаты өтті. Оған өңір аудандары мен қала командалары қатысты, деп хабарлайды Qyzyljarnews.kz тілшісі.
СҚО дене шынықтыру және спорт басқармасының мәліметінше, жарыста 9 команда бақ сынады. Облыс біріншілгінің қорытындысы бойынша бірінші орын Шал ақын ауданының волейболшыларына бұйырса, екінші сатыға Есіл ауданының командасы жайғасты. Ал үздік үштікті Қызылжар ауданының спортшылары түйіндеді. Барлық жүлдегерлер грамоталар мен кубоктармен марапатталды.
