Облыста фермерлердің біліктілігін арттыруға арналған ғылыми-тәжірибелік семинар өтті. Бұл жолы өңірдегі ауыл шаруашылығы ғылыми-зерттеу институтында ірі қараны қолдан ұрықтандыру тақырыбында дәріс оқылды, деп хабарлайды Qyzyljarnews.kz тілшісі.
Семинарда Алматы қаласының Қазақ ұлттық аграрлық университетінің қызметкерлері тәжірибелерімен бөлісті. Олар ірі қара малды қолдан ұрықтандырудың жаңа тәсілдері туралы айтты.
Оқу жиынға қатысушылар білікті мамандарға өздерін қызықтырған сауалдарын жолдап, тұщымды жауап ала алды. Тәжірибелік бөлімде жергілікті фермерлер шет елден келген мамандардың жұмысымен танысып, облысымыздағы шаруашылықтардың бірінде тәжірибе жинақтайтынын атап өткен жөн.
– Семинардың тақырыбы –асыл тұқымды бұқалардан тұқым алып, осы жергілікті шаруашылықтардағы сиыр мен қашарларды ұрықтандыру. Осыған байланысты біз әдейі Қазақстандағы ең алдыңғы, беделді мамандарды шақырып отырмыз, — дейді СҚО ауыл шаруашылығы ғылыми-зерттеу институтының басшысы Алтынбек Абдуллаев.
Бұған дейін институт ет өндірісін дамыту және шем-жөп дайындау әдісі бойынша тәжірибелік жиындар өткізді.
