Биыл Петропавлдың «Жас өркен» шағынауданында 280 орынға шақталған балабақшаның құрылысы басталады. Мектепке дейінгі білім беру нысаны 2025 жылы қолданысқа беріледі, деп хабарлайды Qyzyljarnews.kz тілшісі.
СҚО білім басқармасының мәліметінше, биыл 300 бала мектепке дейінгі білім орындарымен қамтылады.
– СҚО-да 2016 жылдан бері мемлекеттік балабақшаның құрылысы жүргізілмеген. Тек 2023 жылы бұл жұмыс қолға алынып, «Береке» шағынауданында 140 орынға шақталған мектепке дейінгі білім беру нысанының құрылысы басталды. Өткен жылы Петропавлда, М.Жұмабаев, Айыртау, Есіл, Жамбыл, Аққайың, Тайынша, Мамлют және Уәлиханов аудандарын қоса алғанда 352 бала балабақшамен қамтылды. Бүгіндері 2 мен 6 жас аралығындағы бүлдіршіндердің 93,8 пайызы бұл нысандарға барады, – дейді СҚО білім басқармасы басшысының м.а. Татьяна Протопопова.
