Борки кентіндегі жоғары Солтүстік Қазақстан кәсіптік-педагогикалық колледжінде «Сұңқар» облыстық спартакиадасы бағдарламасы аясында үстел теннисінен жарыс өтті, деп хабарлайды Qyzyljarnews.kz тілшісі.
Биылғы жарысқа облыстың 7 колледжінен 32 студент қатысты. Дәстүрлі турнирде жүлдегерлер анықталды. Осылайша, ұлдар арасындағы өткен сында жоғары СҚ кәсіптік-педагогикалық колледжінің командасы жеңімпаз атанды. Екінші орын Есіл ауданындағы Жәлел Қизатов атындағы жоғары ауыл шаруашылығы колледжіне бұйырса, үшінші сатыға Мағжан Жұмабаев атындағы жоғары колледж командасы жайғасты.
Қыздарда бірінші орын Мағжан Жұмабаев атындағы жоғары колледжіне берілсе, күміс медальдарды жоғары құрылыс-экономикалық колледжі еншіледі. Үздік үштікті жоғары СҚ кәсіптік-педагогикалық колледжінің студенттері түйіндеді.
