193
Астанада кикбокстан «Студенттік спорт лигасы — 2024» республикалық чемпионаты өтті. Жарыс студент-кикбоксшылар арасында ұйымдастырылды, деп хабарлайды Qyzyljarnews.kz тілшісі.
Жарыс жолына 25 жоғары оқу орнынан 135 кикбоксшы түсті. Фулл-контакт санатында 10 салмақ дәрежесі бойынша үздіктер анықталды. Өңір намысын жерлестеріміз абыройлы қорғап қайтты. СҚО командасының еншісінде – 2 күміс және 2 қола медаль.
54 кг салмақ дәрежесінде солтүстікқазақстандық спортшы Диас Аскандиров және 86+ кг санатында Нияз Зубаиров екінші орынға табан тіреді. Ал 71 кг Айдын Қабдусалимов пен 86 кг Станислав Загребельных қола жүлдегер атанды.
