Қазақстан қыздар құрамасы бес асықтан 5-ші Дүниежүзілік көшпенділер ойындарының жеңімпазы атанды. Жеңімпаздар қатарында — жерлес спортшы қызымыз Сәния Аскер. Сәнияні осы дәрежеге жеткізген оның жеке бапкері Ағжан Сұрағанов. Ағжан Жайықұлын да Сәния мен қоса осы жетістіктеріменен құттықтаймыз!
А тобында қарсылас шақ келтірмей алғашқы орынмен ақтық сынға жолдама алған Қазақстан қыздар құрамасы Ресеймен бақ сынасты. Туризм және спорт министрлігі баспасөз қызметінің мәліметінше, Алау мұз айдыны кешенінде өткен финалдық ойында отандық спортшылар қарсыластарын 3:0 есебімен тізе бүктірді.
Айта кетейік, бес асықтан Қазақстан қыздар құрамасы топтық кезеңде Қырғызстан, Мажарстан, Швеция және Румыния құрамаларын 3:0 есебімен жеңіп, финалға жолдама алған болатын.
