Облыстық әкімдіктің отырысында өңірді интернетпен қамту мәселесі қаралды, деп хабарлайды Qyzyljarnews.kz тілшісі.
Қазіргі таңда шалғайдағы ауылдардағы интернет мәселесі өте өзекті. Мәселен, тұрғындар саны 250-ден аспайтын 338 ауылдың 144-іне ғаламтор желісі тартылмаған. Дегенмен 250-ден аса тұрғыны бар ауылдардың бәрі интернетпен қамтылған.
Өңір басшысының айтуынша, интернет тек тұрғындар үшін ғана емес, экономика саласы үшін де маңызды. Өйткені агроқұрылымдар ғаламтордың көмегі арқылы алқаптарды цифрландыруды қолға алды. Сондықтан тек ауыл ішінде ғана емес, егіс алқаптарын да қамтитын болуы тиіс. Бұл өз кезегінде уақытты үнемдеп, шығынды азайтуға, бастысы атқарылып жатқан жұмыстың тиімділігін арттыруға мүмкіндік береді.
-Алқаптардағы интернеттің қолжетімділігі туралы сұрағыма жауап алған жоқпын. Сондықтан байланыс операторлары мен ауыл шаруашылығы құрылымдарының басшыларына интернеттің сапасын жақсарту жұмысын қолға алуды тапсырамын, -деді облыс әкімі Құмар Ақсқалов.
