431
Петропавл полицейлері адам өлтірді деген күдікпен тұрғылықты жері жоқ әйелді ұстады, деп хабарлайды Qyzyljarnews.kz тілшісі.
Пышақ жарақатынан қаза тапқан 30 жастағы ер адамның мәйіті 5 ақпан күні Брусиловский көшесіндегі жылу трассасының құдығынан табылды.
Жүргізілген тергеу амалдары барысында тұрғылықты жері жоқ 40 жастағы әйелдің қылмысқа қатысы анықталды. Олардың қайғылы оқиға орын алған құдықта бірге арақ ішкені дәлелденді.
-Аталған факті Қазақстан Республикасы Қылмыстық кодексінің 99-бабы 1-бөлігі , адам өлтіру қылмысы бойынша Сотқа дейінгі тергеп-тексерудің бірыңғай тізіліміне енгізілді. Күдікті уақытша ұстау изоляторына қамалды, деп хабарлады полиция департаментінің баспасөз қызметі.
