Жыл басынан бері облыс аумағында 54 өрт орын алды. Олардың 15-і Петропавл қаласында болды. Бұл 2024 жылдың осы кезеңімен салыстырғанда 60 пайызға артық.
Өткен аптада өңірде 38 оқиға орын алды. Соның ішінде 11 өрт, 1 газ баллонының жарылысы, 5 авариялық-құтқару жұмыстары. 3 адам ауруханаға жатқызылды. «Өрттің туындауының негізгі себептері: электр сымдарының қысқа тұйықталуы, жылыту пештерін пайдалану кезінде өрт қауіпсіздігі ережелерінің бұзылуы, отты абайсызда пайдалану және жөндеу жұмыстарын жүргізу кезінде ережелердің сақталмауы болып табылады», – деп хабарлады облыстық төтенше жағдайлар департаментінің баспасөз хатшысы.
Өрт тұрғындардың құрылыс конструкцияларына күлді тым жақын алып кетуінен болған фактілер болды. Жылыту маусымы қызу жүріп жатыр, демек төтенше жағдайлардың туындау қаупі жоғары. Мамандар қауіпсіздік ережелерін сақтаудың маңыздылығын еске салады. Олар қайғылы оқиғаларды болдырмау үшін халықтың әлеуметтік осал топтарына ерекше назар аудара отырып, жүйелі түрде рейдтік іс-шаралар өткізеді.
