Қара металды экспорттауға тыйым салынғанына қарамастан заңға қайшы әрекет еткен компаниялар анықталды. Олар дайын өнім әрі шикізат желеуімен темір жол және теңіз арқылы металл сынықтарын заңсыз жөнелтіп келген.
Солтүстік Қазақстанда жауапкершілігі шектеулі серіктестіктердің бірінің басшысы «жоғары легирленген болат» деген желеумен қара металды пойызбен көрші мемлекетке жөнелтуді ұйымдастырған. Компания жалпы сомасы 170 миллион теңгеден астам 1500 тонна сынықтарды республикадан тыс экспортқа шығарыпты. «Металл қоймасының аумағын тінту кезінде жалпы салмағы 1000 тонна болатын қара металл сынықтары, оның ішінде шетелге жөнелтуге дайындалған жеті вагон табылды», — деп хабарлады Ішкі істер министрлігі ұйымдасқан қылмысқа қарсы күрес департаментінің өкілі Қуандық Алпыс.
QYZYLJAR NEWS
