Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті Kozybayev University студенттерін «Адалдық сағатын» өткізу барысында өз қатарына шақырды.
Төрт жүзге жуық қатысушыны жинаған іс-шара «Заң мен тәртіп» нарративін ілгерілетудегі, сондай-ақ жастар арасында адалдық пен парасаттылық қағидаттарын нығайтудағы маңызды қадам болды.
Облыстық департамент басшысының бірінші орынбасары Алмат Мырзалиев жастар арасында парасаттылық мәдениетін қалыптастырудың маңыздылығын атап өтіп, сыбайлас жемқорлыққа қарсы ведомство қызметінің негізгі бағыттарына егжей-тегжейлі тоқталып, қатысушылардың назарын құқық қорғау органына түсу үшін қажетті талаптарға ерекше назар аударды.
Өз кезегінде университет басшылығы оқушыларды моральдық-адамгершілік тәрбиелеу бойынша жүргізіліп жатқан жұмыстар, оның ішінде оқу орнының қабырғасында академиялық адалдық қағидаттарын бекіту және оқу процесінің ашықтығын арттыруға және құқық бұзушылықтардың алдын алуға бағытталған тәжірибелерді енгізу бойынша комплаенс-қызметтің қабылдап жатқан шаралары туралы хабардар етті.
QYZYLJAR NEWS
