Тұрғын үй кезегі үшін әкімдікпен соттасқан солтүстікқазақстандық арызын қайтып алды

Облыстық соттың әкімшілік істер бойынша сот алқасы төрағасының айтуынша, әр бесінші іс татуласумен аяқталады, деп хабарлайды Qyzyljarnews.kz тілшісі.

Онлайн-брифингке қатысқан алқа төрағасы Серікбол Сапарғалиевтің айтуынша, сотқа жеткен 375 істің 85-і мәмілеге келумен шешілді.

-Мұндай татуласу процедураларын тек сот орындаушылары ғана емес, атқарушы билік органдары да жиі қолданады. Мәселен тұрғын үйге өз кезегін қалпына келтіру үшін соттасқан жерлесіміз де әкімдікпен ортақ шешімге келді, деді Серікбол Сапарғалиев.