419
Мемлекеттік қызмет істері агенттігі мемлекеттік қызметшілерге құрмет көрсету қағидаларын әзірледі, деп хабарлайды Qyzyljarnews.kz тілшісі.
Яғни, Агенттіктің және оның аумақтық органдарының қызметкерлеріне мынадай көтермелеулер қолданылады:
1) біржолғы ақшалай сыйақы беру;
2) алғыс жариялау;
3) бағалы сыйлықпен марапаттау;
4) грамотамен марапаттау;
5) құрметті атақ беру;
6) көтермелеудің өзге де нысандары, оның ішінде ведомстволық наградалармен марапаттау.
Мемлекеттік қызметшілер лауазымдық міндеттерін үлгілі орындағаны, мінсіз қызметі, ерекше маңызды және күрделі тапсырмаларды орындағаны және жұмыстағы басқа да жетістіктері үшін, сондай-ақ олардың қызметін бағалау нәтижелері бойынша марапатталады.
Құжат 15 наурызға дейін талқыланады.
