СҚО-да эпидемиологиялық маусым басталы бері 26 446 адам жіті респираторлық вирус жұқтырған, деп хабарлайды Qyzyljarnews.kz. тілшісі.
Өткен маусыммен салыстырғанда инфекция жұқтырушылар биыл 40% — ға артық. Соңғы аптаның өзінде 589 жағдай тіркеліп отыр. Ауырғандардың басым бөлігі 14 жасқа дейінгі балалар (352 адам). 15 пен 29 жас аралығында науқастанғандардың саны – 110. Ал 30-64 жас аралығында – 91, 65 және одан жоғары – 36 адам инфекцияға шалдыққан.
Сондай-ақ, ағымдағы эпидемиологиялық кезеңде 35 тұрғын тұмаумен ауырған. Барлық анықталған жағдайлар А типті тұмауға жатады. Өткен жылы ешкім тұмауратпаған.-Тұмауға қарсы уақытылы екпе салдыру иммунитетті күшейтеді, аурудың жеңіл өтуіне көмектеседі. Әрі асқынулардың алдын алады. Сырқаттанбас үшін дене шынықтырумен айналысып, дұрыс тамақтану режімін сақтап, витаминді-минералды кешендерді қабылдау керек – дейді санитарлық-эпидемиологиялық бақылау департаментінің баспасөз қызметі.
