550
Наурыздың 23-нен 1 мамырға дейін облыс аумағында республикалық маңызы бар тас жолдар бойынша автокөлік құралдарының қозғалысына уақытша шектеулер енгізіледі, деп хабарлайды Qyzyljarnews.kz тілшісі.
— Аталған кезеңде автокөлік құралдарының рұқсат етілген жалпы салмағы және ең жоғары осьтік жүктемелер орта есеппен 20% — ға төмендейді. Атап айтқанда, бірбілікке түсетін салмақ 10 тоннадан 8 тоннаға дейін, ал үш білікті автокөлік құралының рұқсат етілген жалпы салмағы 25 тоннадан 20 тоннаға дейін төмендейді, – деді СҚО бойынша көліктік бақылау инспекциясы көліктегі бақылау бөлімінің басшысы Рустам Меңлібеков.
Маманның сөзінше, мұндай шара көктем кезінде автожолдардың сақталуын қамтамасыз ету мақсатында қолға алынып отыр.
