1 сәуірден бастап БЖЗҚ-дан берілетін зейнетақы төлемдері жаңаша жүзеге асырылатын болды

1 сәуірден бастап 2022 жылға есептелген зейнетақы жинақтарының ең төменгі жеткіліктілік шегі күшіне енеді, деп хабарлайды Qyzyljarnews.kz тілшісі.

Еске салайық, 2021 жылға арналған минималды жеткіліктілік шегі 2022 жылдың 1 сәуіріне дейін ұзартылды.
Зейнетақы жинақтарының бір бөлігін пайдалану үшін салымшы өзінің зейнетақы жинақтарын тексеріп алуы керек. Қаражат тұрғын үй жағдайын жақсартуға немесе емге жаратуға жеткілікті ме екенін біліп алған жөн. Жеткіліктілік шегінен асатын сома болған жағдайда, банкке зейнетақы төлеміне өтініш беру қажет.
31 наурызға дейін біржолғы зейнетақы төлемдері 2021 жылға есептелген мөлшерге сәйкес жүргізілетін болады. 1 сәуірден бастап олардың көлемі арта бастайды.