«Ashyq» жүйесі мектептер мен балабақшалардан алынып тасталды

Елімізде «жасыл» және «сары» аймақтағы облыстарда білім беру ұйымдары үшін енді «Ashyq» жүйесі міндетті емес, деп хабарлайды Qyzyljarnews.kz тілшісі.

Сонымен қоса оқу мекемелерінде арақашықтықты сақтап, кіреберісте дене температурасын өлшеудің қажеттілігі жоқ.

– «Ashyq» мобильді қосымшасын пайдалану, әлеуметтік қашықтықты сақтау және термометрияны қолдану білім беру ұйымдары әкімшілігінің шешімі бойынша ерікті түрде жүзеге асырылуы мүмкін, – деп нақтылады Денсаулық сақтау министрлігінің мамандары.