Президент Қасым-Жомарт Тоқаев Ақордада еліміздегі облыстар мен Нұр-Сұлтан, Алматы және Шымкент қалаларының әкімдерімен кеңес өткізді, деп хабарлайды Qyzyljarnews.kz тілшісі.
Жиналыста өңірлердің әлеуметтік-экономикалық дамуына қатысты мәселелер талқыға салынды. Мемлекет басшысы Үкімет пен әкімдерге әлеуметтік-экономикалық мәселелерді жедел шешу және халықтың әл-ауқатын арттыру жөнінде кешенді шаралар қабылдауды тапсырды. Сонымен қатар, жаңа Қазақстанды құру стратегиясы аясында саяси реформалардың кезекті топтамасын іске асыру бойынша бірқатар міндет жүктеді. Нақтырақ тоқталсақ, әкімдер халықпен жұмыс істеу тәртібін қайта қарауы қажет. Яғни, азаматтармен жиі кездесіп, оларды мазалаған мәселелерді шешіп, қоғам сенімін арттырулары тиіс.
Сондай-ақ, Қасым-Жомарт Тоқаев Үкімет пен әкімдіктерге жұмыссыздық деңгейін азайту мен кәсіпкерлікті дамытып, жаңа жұмыс орындарын құру жөнінде жүйелі шаралар қабылдауды тапсырды.
