Қазақстандық Михаил Кукушкин Нидерландтың бірінші ракеткасын жеңді

Қазақстандық теннисші Михаил Кукушкин Miami ATP Masters 1000 турнирінің екінші айналымына шықты, деп хабарлайды Qyzyljarnews.kz тілшісі.

Алғашқы айналымда қазақстандық теннисші әлемнің 42-ракеткасы, нидерландылық Ботик Ван де Зандшульппен күш сынасты. Бұл жолы Михаил 6:4, 6:4 есебімен қарсыласынан басым түсті.
Отандық спортшы екінші айналымда, 26-наурыз күні әлемнің 13-ракеткасы, америкалық Тэйлор Фрицпен кездеседі. Айта кету қажет, жуырда Т.Фриц Индиан-Уэллс мастерс турнирінде үздік атанды.