Облыс әкімдерінің орынбасарларының саны көбейеді. Бұл туралы Үкімет отырысында Қазақстан Республикасы Ұлттық экономика вице-министрі Тимур Жақсылықов мәлім етті, деп хабарлайды Qyzyljarnews.kz тілшісі.
– Мемлекет басшысының әкімдіктердің функционалдығын қамтамасыз ету және халық үшін аса маңызды мәселелер бойынша үйлестіруді күшейту жөніндегі тапсырмаларын іске асыру мақсатында облыс әкімдері орынбасарларының санын бір адамға дейін арттыру ұсынылады,- деді Тимур Жақсылықов
Бұл ретте бастама жергілікті атқарушы органдардың қызметін қаржыландыру үшін белгіленген шектерде жүзеге асырылады. Сонымен қатар вице-министрдің айтуынша, орталық және жергілікті органдардың тәуелсіздігін арттыруға баса назар аудара отырып, бюджетті қалыптастыруға қатысты көзқарастар қайта қаралады.
– Қосымша кіріс көздері орталықтан бір мезгілде шығыс өкілеттігін беру арқылы жергілікті деңгейлерге аударылады. Бұл аймақтардың өзін-өзі қамтамасыз етуі мен тәуелсіздігін қамтамасыз етеді. Бұл бағытта реформалар жалғасып жатыр. Жаңа бюджет кодексі әзірленіп жатыр. Осы жұмыстың бір бөлігіне блоктық бюджеттің жекелеген элементтерін енгізу пысықталып жатыр,- деді Тимур Жақсылықов.
Құжат бюджет процесін түбегейлі оңайлатуға және мемлекеттік басқару жүйесін одан әрі орталықсыздандыруға бағытталады. Тимур Жақсылықовтың айтуынша, түзетулерді келесі жылдың қыркүйек айында парламенттің қарауына енгізу жоспарланып отыр.
