359
Көші-қон қызметінің қызметкерлері және учаскелік полиция инспекторы Солтүстік Қазақстан облысы Жамбыл ауданында құжатсыз жүрген екі азаматты анықтады, деп хабарлайды Qyzyljarnews.kz тілшісі.
64 жастағы зейнеткер соңғы рет төлқұжатты 1981 жылы алған екен. 62 жастағы әйел де дәл сондай күйде болған. Полицейлер тиісті мемлекеттік мекемелерге сұрау жолдап, екеуі де жуырда Қазақстан Республикасының азаматы болып танылды.
Енді құжаттары қолына тигеннен кейін зейнетақы ресімдейді.
Жыл басынан бері 16 шетелдік Қазақстан Республикасы азаматтығын алды. 7 адам осы күнге дейін КСРО төлқұжатымен жүрген, олардың барлығы жаңа үлгідегі құжат алды.
