Бұған дейін бұқаралық ақпарат құралдарында ЛДПР жетекшісі Владимир Жириновский 75 жасында қайтыс болды деген ақпарат пайда болды. Сенатор Александр Пронюшкин де оның қайтыс болғанын растады, деп хабарлайды Qyzyljarnews.kz тілшісі.
Алайда кейінірек Мемлекеттік Думаның спикері Вячеслав Володин Жириновскийдің өлімін жоққа шығарды.
«Владимир Вольфович Жириновскийдің денсаулығына алаңдайтындардың барлығын тыныштандырғым келеді. Ол тірі. Оның жағдайы шынымен ауыр. Бүгін оған КТ жасалды. Біз ол үшін алаңдап отырмыз. Дәрігерлер қолдан келгеннің барлығын жасауда», деп мәлімдеді Ресей Мемлекеттік Думасының спикері.
Ал жалған ақпарат таратқан сенаторға Вячеслав Володин өкілеттігін тоқтатуға кеңес берді.
Ресей Федерациясының Денсаулық сақтау министрлігі саясаткердің өлімін жоққа шығарып, Владимир Жириновскийдің жағдайы тұрақты және дәрігерлер оған қажетті көмек көрсетуді жалғастыруда деп хабарлады.
