Солтүстік Қазақстан облысының тұрғыны «Сәтті Жұлдыз» ұлттық лотереясына 5 жыл қатарынан қатысып, апта сайын билет сатып алып жүрген. Дегенмен, осы уақытқа дейін үлкен сома ұтып көрмепті, деп хабарлайды Qyzyljarnews.kz тілшісі.
-Бұрын мен Keno-ға қатысып, 1000-2000 теңге ұтып алғам. Ал жақында Lotto 6\49 лотереясында бағымды сынап көрмекші болдым. Алғашында бірнеше рет 750 теңгеден түсіп отырды. Содан кейін бірден 5 миллион ұтқаным туралы хабарлама келді. Шыны керек, басында сенбей, «Сәтті Жұлдыз»кеңсесіне барғанда бірақ көзім жетті,-деді СҚО тұрғыны.
Аленаның 3 баласы бар. Өкінішке қарай, біреуі жанарынан айырылған. Солтүстікқазақстандық әйел бірнеше жыл бойы ұлының көру мүмкіндігін қайтарғысы келген. Ақшаның жетіспеуі мен тағы басқа себептерге байланысты бұл арманын орындай алмай жүріпті. Жолы болған ана ұтқан қаражатын баласының еміне жұмсамақ.
