Солтүстік Қазақстан облысында санитариялық-эпидемиологиялық бақылау департаментінің мамандары су құбырынан бактериологиялық көрсеткіштерге 1324 сынама алды, деп хабарлайды Qyzyljarnews.kz тілшісі.
-Тимирязев ауданында құбыр суы бактериологиялық көрсеткіштер бойынша талапқа сәйкес келмейді. Жуу және дезинфекциялау жүргізілгеннен кейін тағы сынама алынып, олқылық жойылғаны белгілі болды. Облыс бойынша су құбырларынан санитарлық-химиялық көрсеткіштерге 878 сынама алынып, зерттеу жұмыстары жүргізілді. Нәтижесінде,16 сынама сәйкес келмеді. Айыртау, Аққайың, Мамлют, Тайынша, М.Жұмабаев, Тимирязев аудандарында судың иісі, дәмі, түсі талапқа сай болмады,-деді ведомство өкілдері.
Орталықтандырылмаған сумен жабдықтау нысандарынан 534 сынама алынды. 20-сы талапқа сай келмеген. Ескертуден кейін қамтамасыз ету нысандары сүзгілерді тазартып, кейбіреулерінде жаңасы орнатылды. Тексерістің қорытындысы бойынша 3 кәсіпкерлік нысаны әкімшілік жауапқа тартылып, 5 млн теңге көлемінде айыппұл салынды.
Istock иллюстрациялық фотосы
