СҚО тұрғыны тауып алған мылтықты тапсырып, жазадан құтылды

СҚО тұрғыны ескі үйден мылтық тауып алды, деп хабарлайды Qyzyljarnews.kz  тілшісі.

Мамлют ауданының тұрғыны полицияға жүгініп, қараусыз қалған үйді бұзу кезінде 12 калибрлі ТОЗ-66 мылтығын тауып алғанын хабарлаған.   Ол алдымен қаруды үйіне әкеліп,  тазалап тығып қойған.  Алайда, біраз уақыт өткесін пәлесін қорқып, құтылмақ болған. Осылайша, ауыл тұрғыны жауапкершіліктен құтылды.

— Көбінесе тіркелмеген қаруды иелері тығып ұстайды. Мысалы, наурыздың соңында  Жамбыл ауданының тұрғынынан 16 калибрлі ИЖ-К мылтығы тәркіленді. Ер адам әкімшілік жауапкершілікке тартылды, — дейді СҚО ПД әкімшілік полиция басқармасының бастығы Серік Әлжанов.