Бүгінде облыстағы гидрометеорологиялық жағдай тұрақты деп бағаланып отыр. Бірақ өзендеріндегі су деңгейінің көтерілуі әбден мүмкін. Бұл жайында өңірлік коммуникациялар қызметінің брифингінде айтылды, деп хабарлайды Qyzyljarnews.kz тілшісі.
Мамандардың айтуынша, су тасқыны кезінде жедел түрде әрекет етуге құқық қорғау органдары қызметкерлерінен тұратын 8 топ құрылды. Ол үшін 475 адам мен 134 бірлік техника тартылған.
— Айыртау, Ғ.Мүсірепов, Тимирязев, Шал ақын аудандары, сондай-ақ су басуы мүмкін 85 елді мекен ерекше бақылауда. Аталған аумақтарда 6000 нан астам тұрғын, 1872 үй бар, — деп атап өтті Мұрат Қанғожинов.
Бүгінгі таңда елді мекендерден 600 мың текше метрден астам қар шығарылды. 6 мың су өткізу құбыры, жалпы ұзындығы 300 шақырым арна мен арық тазартылды.
Фото: Qyzyljarnews.kz / Талғат Тәнібаев
