Солтүстікқазақстандық кәсіпкер заманауи жылыжай кешенін салып жатыр. Нысан өңір тұрғындарын жылына 3 мың тонна көкөніспен қамтамасыз етуге мүмкіндік береді, деп хабарлайды Qyzyljarnews тілшісі.
Жылыжайдың аумағы 3,7 гектар. Нәтижесінде 60 жаңа жұмыс орны ашылады.
Іске кірісу үшін керекті құрылғылар толығымен дайын. 7 млрд теңгелік жоба «Солтүстік» ӘКК-ден алынған қарызға бой көтереді.
— Заманауи қондырғылар сапалы көкөніс өсіруге мүмкіндік береді. Мәселен, гидропоникалық жүйенің көмегімен жыл бойына көкөніс өсіруге болады. Жылыжай салынып біткеннен кейін облыс тұрғындарының сұранысын 30%-ға өтейміз деген үміттеміз. Әдетте, қарашадан наурызға дейінгі аралықта көкөністердің бағасы қымбаттап, өзге өңірлерден жеткізу қиындап кетеді. Осы уақытта тұрғындарға сапалы өнім ұсынуға тырысамыз. Әрине, құны басқа жақтан әкелінгендерге қарағанда әлдеқайда төмен болады,-деді Дмитрий Шарапаев.
Фото: ашық дереккөздерден
