Александр Бублик «Үлкен дулыға» турнирінің үш дүркін жеңімпазы, швейцариялық Стэн Вавринканы жеңді, деп хабарлайды Qyzyljarnews.kz тілшісі.
Қазақстанның бірінші, әлемнің 36-ракеткасы Александр Бублик Монте-Карло ATP Masters 1000 турнирін жеңіспен бастады.
Бірінші партияны қазақстандық теннисщі брейкпен бастағанымен, Вавринка озып кетті. Есесіне екінші ойында Александр Бублик есесін қайтарды. Шешуші партияны қазақстандық спортшы брейкпен аяқтады– 6:2.
Енді Александр Бублик жүлде қоры 5,8 млн еуроға бағаланған мастерс жарысының үшінші айналымына шығу үшін әлемнің 19-ракеткасы, испаниялық Пабло Карреньо-Бустамен кездеседі. Немесе оның орнына рейтингте 66-сатыда тұрған аргентиналық Себастьян Баеспен бақ таластырады деп болжануда.
Фото: ашық дереккөздерден
