Солтүстік Қазақстан облысында соңғы жылдары қылмыс едәуір азайды, деп хабарлайды Qyzyljarnews.kz тілшісі.
Мемлекет басшысы Қасым-Жомарт Тоқаев 22 наурыздағы Жолдауында әйелдер мен балаларға қатысты қылмыстарға жазаны қатаңдатып, тұрмыстық зорлық-зомбылыққа қарсы іс-қимыл мәселесіне басымдық беру қажеттігін айтты.
— Бүгінде Солтүстік Қазақстан облысында отбасы мүшелерінің мазасын алып, жанжал шығаратын мыңға жуық адам есепте тұр. Өкінішке қарай, әкімшілік жауапкершілікке тартылса да, кейбірі әлі тыйылар емес. Әйелдер мен балаларға қатысты зорлық-зомбылық үшін жазаны қатаңдату қылмыстардың алдын алуға септеседі деген үміттеміз,-деді СҚО полиция департаментінің бастығы Айдын Қабдұлдинов.
Өңірде жыл басынан бері есірткіге қатысты 68 қылмыс тіркеліп, 50 адам ұсталды.
Фото: ашық дереккөздерден
