29 сәуірге қараған түні Ақжар ауданындағы Май ауылында жеке үй отқа оранып, 4 адам қаза тапты, деп хабарлайды Qyzyljarnews.kz тілшісі.
Өрт туралы хабарлама кезекші пультіне таңғы сағат 3-те түскен.
Ауыл ең жақын өрт сөндіру бөлімінен 53 шақырым жерде орналасқандықтан, жеткенше көп уақыт кеткен.
— Өрт сөндіру бөлімшесі қызметкерлері жектенде үй әлі өртеніп жатқан. Олар келгенге дейін ауыл тұрғындары әйелдің денесін тауып, сыртқа шығарған. Өртті сөндіру барысында 3 ер адамның үй иесі мен 2 қонақтың денесі табылды, – деп хабарлады ТЖД-нің баспасөз қызметі.
Сондай-ақ өрт сөндірушілер газ баллонын алып шықты. Үй толық жанып кетті. Шығу себебі мен материалдық залал анықталуда. Көршілердің айтуынша, қаза тапқандар ішімдікке әуес болған.
