Қазақстанның Энергетика министрлігі жылумен қамту мәселелері бар өңірлерді атады, деп хабарлайды Qyzyljarnews.kz тілшісі.
Елімізде жылумен қамту бойынша Солтүстік Қазақстан, Ақмола, Қарағанды және Түркістан облыстарында проблемалар туындап отыр.
Қазақстан бойынша жылыту маусымы бір қалыпты өткенімен, кейбір облыстардағы жылу желілері шұғыл жөндеуді қажет етеді. Петропавл 2-ЖЭО-дағы қазандықтарды жөндеу және қосалқы бөлшектер табу барысында қаржылық қиындықтар туындаған.
Естеріңізге сала кетейік, Қазақстан Республикасының Премьер-Министрі Әлихан Смайылов жақында өңірге жасаған сапары барысында жергілікті жылу электр орталығында болып, жұмысымен танысты. Үкімет басшысы станцияны қалыпқа келтіру жұмыстарын сапалы әрі жылдам орындау керектігін айтқан еді.
Pexels иллюстрациялық фотосы
