СҚО полиция департаментінің арнайы мұрағаты арқылы 200-ден астам азамат отбасы тарихын қалпына келтірді, деп хабарлайды Qyzyljarnews.kz тілшісі.
2014 -жылдан бері мұрағатқа 3 бірегей қор тапсырылған. Бұл ХХ ғасырдың 30-50- жылдары қуғын-сүргінге ұшыраған тұлғалар, тұтқында болған және Германиядан еліне оралған бұрынғы КСРО азаматтарына қатысты іріктелген материалдар, сондай-ақ ақтауға жатпайтын адамдарға қатысты қылмыстық істер.
Жуырда мұрағатқа ХХ ғасырдың ортасындағы көрнекті саяси қайраткер Жұмабай Шаяхметовтің немересі Ринат Шаяхметов жүгінді. Ринат Равильевич атасына қатысты құнды деректермен танысып, тарихи құжаттарға қол жеткізуге мүмкіндік берген мұрағат қызметкерлеріне алғысын білдірді.
-Кез — келген адам ақталған немесе бұрынғы тұтқындалған туысы туралы мұрағаттық анықтаманы ала алады. Ол үшін «электрондық үкімет» порталында өтініш беру керек. Кеңесті 8 (7152) 39-41-58, 39-41-40 телефондары бойынша алуға болады. 2014 -жылдан заңсыз қуғын-сүргінге ұшыраған қазақстандықтарға және іріктелген материалдарға қатысты қылмыстық істер бойынша 221 мұрағаттық анықтама берілді, — деді СҚО полиция департаменті ақпараттандыру және байланыс басқармасы арнайы мемлекеттік мұрағаты тобының бас маманы Эльмира Валиулина.
Фото: СҚО ПД баспасөз қызметінен
