Екібастұз қаласының полицейлері Қарағанды облысы Саран қаласының тәртіп сақшылары іздестіріп жүрген 25 жастағы петропавлдықты қолға түсірді, деп хабарлайды Qyzyljarnews.kz тілшісі.
Ұсталғаннан кейін алаяқтың Екібастұз қаласының аумағында жасалған бірнеше қылмысқа қатысы бары анықталды.
-Күдікті сәуір айында Екібастұз қаласында өзін полиция қызметкерімін деп таныстырып, тұрғындардың несие бойынша берешегін тексермекші болып жәбірленушінің құжаттарын фото-видеоға түсіріп алған. Осылайша, құжаттардың көшірмелеріне қол жеткізіпті. Сан соғып қалған екібастұздық банктердің бірінде үстінен 140 мың теңге сомасында несие рәсімделгенін естіп, дабыл қаққан, — деп хабарлады Павлодар облыстық ПД баспасөз қызметі.
Күдікті Қарағанды және Қостанай облыстарының аумағында да осындай қылмыс жасағанын мойындады. Қазіргі уақытта Екібастұз қаласы бойынша жәбір көрген екі адам анықталды. Күдікті қамауға алынып, Қазақстан Республикасы Қылмыстық кодексі 190-бабы бойынша сотқа дейінгі тергеу жүргізілуде.
Фото: ашық дереккөздерден
