Сот мердігер ұйымға өткен жылы су құбырын қайта жаңарту жұмыстары жүргізілген Мағжан Жұмабаев көшесінің учаскесінде асфальтты қалпына келтіруді міндеттеді, деп хабарлайды Qyzyljarnews.kz тілшісі.
Қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің ақпараты бойынша, өткен жылдың қараша айында Попов көшесінен Ульянов көшесіне дейінгі учаскеде реконструкциялау жұмыстары аяқталды. Күннің суытуына байланысты мердігер асфальтты қалпына келтірмеген. Желтоқсан айында шарттық міндеттемелердің орындалмауына байланысты Петропавл әкімдігі мердігерді жауапсыз деп тану туралы сотқа талап арыз берді. Сот компанияны осы жылдың мамыр айының соңына дейін абаттандыру жұмыстарын жүргізуге міндеттеді.
Фото: ашық дереккөздерден
