Биыл облыста 54 әлеуметтік нысан жөнделеді

Биыл өңірде «Ауыл – ел бесігі» жобасы аясында 54 жоба жүзеге асырылмақ, деп хабарлайды Qyzyljarnews.kz тілшісі.

43 ауылда 54 нысанды жөндеу жоспарланып отыр. СҚО ішкі саясат басқармасының басшысы Кемел Оспановтың айтуынша, 21 мектеп пен 3 спорт залы, 3 денсаулық сақтау, 8 мәдениет, 8 тұрғын үй-коммуналдық шаруашылығы және 11 көліктік-инфрақұрылымдық нысан жөнделеді.

-Бұл мақсатқа 6,3 млрд теңге бөлінеді. Оның 5,5 млрд-ы республикалық бюджеттен, қалғаны жергілікті бюджет есебінен, — дейді СҚО ішкі саясат басқармасының басшысы Кемел Оспанов.
Бүгінде облыс аумағында бағдарламаның 17 арнайы жобасы іске асырылып жатыр.

Фото: Qyzyljarnews.kz / Талғат Тәнібаев