Петропавлдық полицейлер адам тонады деген күдікпен Есіл ауданының бұрын сотталған 27 жастағы тұрғынын ұстады. Күдікті мамыр айының ортасында шамамен сағат күндізгі 4 кезінде Интернационал мен Жамбыл көшелерінің қиылысындағы аялдаманың сыртында қалалықтардың бірінің смартфоны мен ақшасын тартып алған, деп хабарлайды Qyzyljarnews.kz тілшісі.
Анықталғандай, оның алдында қылмысқа қатысы бар күдікті жәбірленушімен бірге спирттік ішімдік ішкен, кейін заттарын сыпырып алған. Аталған факті Қазақстан Республикасы Қылмыстық кодексі 191-бабының 1-бөлігі «Тонау» бойынша Сотқа дейінгі тергеп-тексерулердің бірыңғай тізіліміне енгізілді. Бұл бап бойынша 4 жылға дейін бас бостандығынан айыру көзделген. Күдікті қамауға алынды, тергеу жүргізілуде.
Pexels иллюстрациялық фотосы
