СҚО төтенше жағдайлар департаментінің мәліметінше, құтқарушылар 4 күн бойы Есіл ауданындағы Покровка елді мекенінің маңында із-түссіз жоғалып кеткен ер адамды іздестіруде, деп хабарлайды Qyzyljarnews.kz тілшісі.
Қолда бар ақпаратқа сүйенсек, ер адам қайыққа мініп өзенге шыққан, кейін құлап кеткен. Оқиғаның мән-жайы анықталуда. Қоса кетейік, 15 мамыр күні Айыртау ауданы Саумалкөл ауылындағы үйінен кетіп, қайта оралмаған тұрғын да әлі табылмай жатыр. Анатолий Зарваны іздеуге полицейлер, еріктілер, жергілікті атқарушы органдардың қызметкерлері және белсенділер жұмылдырылды.
Тайынша ауданы Келлеровка елді мекенінің 57 жастағы тұрғыны Сергей Багинскийге де іздеу жарияланған. Ер адамнан 8 мамырдан бері хабар жоқ.
СҚО полиция департаменті баспасөз қызметінің мәліметінше, биылдыққа облысында жоғалғандар туралы 142 хабарлама түсіп, 140 хабарсыз кеткен адам табылған.
Фото: volonterypetropavl инстаграм парақшасынан
