Кітапта Алашорда үкіметі туралы тың деректер, Петропавл уезі жайында бұрын айтылмаған жаңа ақпараттар жазылған. Еңбекті басып шығару үшін 30-дан астам қазақстандық және шетелдік зерттеуші ғалым тер төккен, деп хабарлайды Qyzyljarnews.kz тілшісі.
Туынды арқылы Мағжан Жұмабаевтың саяси қайраткер болғанын да біле аламыз.
-Мағжанды біз ақын, ағартушы ретінде көбірек айтамыз, зерттеулердің нәтижесінде біз оны саяси қайраткер ретінде танып отымыз. Бұндай қызықты мәліметті ҰҚК құжаттарынан алдық. Әлиханның Мағжанға жазған хаттарынан, содан кейін 1918 жылы Мағжан Көкшетауда «Алаш», Алаш Орда», «Үш жүз» патрияларының жиынын өткізіп, екі партияны біріктіру жөнінде ұсыныс тастаған. Алаш әскерінің 52 мыңға жеткендігін де сол кезде айтқан,-дейді Солтүстік Қазақстан мемлекеттік архивінің директоры Сәуле Мәлікова.
Тарихтан сыр шертетін кітап 300 данамен басылып шықты.
Фото: Qyzyljarnews.kz / Талғат Тәнібаев
