Солтүстікқазақстандық тіс дәрігерлер 16 маусымға дейін 14 пен 18 жас аралығындағы балаларға пломбаны тегін орнатады. Бұл туралы Әлеуметтік медициналық сақтандыру қорының филиалы хабарлады, деп хабарлайды Qyzyljarnews.kz тілшісі.
Филиал директоры Лариса Гордееваның айтуынша, акцияға облыстық стоматологиялық емхана мен үш жеке клиника қатысады. Қазір мамандар Петропавлдағы балалар ауылының, М.Жұмабаев ауданындағы балалар үйінің және сәбилер үйінің тәрбиеленушілерін тегін профилактикалық тексеруден өткізуде.
— Балалық шақ — адам дамуындағы ең маңызды кезең, өйткені дәл осы кезеңде салауатты, табысты және бақытты өмірдің негізі қаланады. Біздің облыста 130 087 бала бар. Денсаулық сақтау басқармасымен, медициналық ұйымдармен бірлесіп 16 маусымға дейін ашық есік күндерін, сурет байқауларын, спорттық іс — шараларды, экскурсияларды, қайырымдылық іс-шараларын өткізіп, балаларға сыйлықтар табыстаймыз, — деді Лариса Гордеева.
Фото: ашық дереккөздерден
