Еліміздің Бас прокуратурасы «Прокуратура туралы» Конституциялық заң жобасын әзірледі. Құжат прокуратураның құқық қорғау әлеуетін күшейтуге және жоғары қадағалау органын жаңғыртуға, прокурорлар қызметінің кепілдіктерін нығайтуға бағытталған, деп хабарлайды Qyzyljarnews.kz тілшісі.
Заң жобасында заңдылықты сақтауды неғұрлым тиімді қамтамасыз етуге, азаматтардың құқықтары мен бостандықтарын, бизнестің, қоғам мен мемлекеттің мүддесін қорғауға және қалпына келтіруге мүмкіндік беретін пәрменді құралдар мен тетіктерді бекіту ұсынылады.
Заң жобасын қабылдау 2023-2025 жылдарға арналған республикалық бюджеттен прокуратура қызметінің құқықтық және әлеуметтік кепілдіктерін нығайтуға 18 754,5 мың теңге қосымша қаржы шығындарын талап етеді. Жоба жария талқылау үшін 7 шілдеге дейін Ашық НҚА сайтында орналастырылды.
Фото: ашық дереккөздерден
